السبت، 8 يونيو 2013

DIY : ماسك صيفي ودك تاكلينه






السلام عليكم ورحمة الله


جا الصيف وجاب معه الفواكه اللذيذة عشان كذا  بوست اليوم راح يكون بوست صيفي بحت منعش ولذيذ
كلنا نحب الفراولة لطعمها اللذيذ وما ننسى فوائدها لكن قد جربتي تستخدمين الفراولة لبشرتك !!؟
الماسك ذا راح يكون عبارة عن فراولة + عسل + روب

طيب وش فايدة الماسك ذا ؟
يعطي نضارة واشراق لبشرتك وبرضو يرطبها كويس واذا عندك حبوب نافرة اللي تكون زي حبات الرمل
راح يخففها ومع الاستمرار راح تختفي.
طبعا ما ودك تحطين شي ماتعرفين فوائده بالتفصيل لذلك راح اوضح لك فائدة كل مكون.

الفراولة : تعتبر من اهم الاغذية لبشرتك لانها تساعدك على اعادة بناء الكولاجين اللي يخلي بشرتك نضرة وناعمة وكمان تحتوي على مواد مضادة للاكسدة اللي تساعدك في وقاية بشرتك من الشيخوخة المبكرة وتلف خلايا الجلد بسبب تعرضك للاشعة الفوق بنفسجية ولا تنسين ان الفراولة غنية بفيتامين C و E وطبعا كلنا نعرف ان فيتامين C يساعدك بشرتك في بناء الكولاجين اللي يحافظ عليها.

اذا كنتي تعانين من حبوب او رؤوس سوداء مرة راح تفيدك لان الفراولة تحتوي على حمض الصفصاف اللي يدخل للمسام ينظفها ويقشرها بعمق.







الروب : غير انه يرطب بشرتك ويعطيك نعومة برضو يبرد على بشرتك من حرارة الصيف واذا استخدمتيه بانتظام راح يشد بشرتك ويوحد لونه كمان يزيل شحوب بشرتك ويعطيها نضارة.







العسل: يعتبر من افضل المرطبات الطبيعية لان العسل يحتفظ بجزيئات الموية فوق سطح بشرتك وذا يخلي الغشاء المائي لسطح البشرة اقوا ويحميك من اشعة الشمس.






الحين تقدرين تسوين الماسك وانتي متطمنة و واثقة انه راح يفيدك لكن بالاستمرار.
الخطوات : 2 ملعقة روب + 2 ملعقة عسل + 5 حبات فراولة
اهرسي الفراولة وامزجي باقي المكونات معه بعدين خذي فرشاة وحطيه على وجهك على فكرة يكفي انك تحطين طبقة خفيفة ويمكن يزيد عن حاجتك فمن البداية سوي شي يكفيك مو شرط تتقيدين بمقاديري

المدة: 15 دقيقة






 انطباعي : ماسك ولا احلى رطب وجهي وخلاني فرش وبما ان هاليومين طالعة بوجهي حبوب رمل هجدها وخلى بشرتي اكوس ما اقول انها اختفت لا بس هدأت , طبعا هذا انطباعي الاول ومع الاستمرار اكيد راح تكون النتيجة افضل.

لا تنسين مو شرط يناسبك لكن تأكدي انه ماراح يضرك غير كذا ريحته جميلة 






هناك 5 تعليقات:

  1. حجربو واقولك النتيجه متحمستلها مره
    يعطيك العافية

    ردحذف
    الردود
    1. انتظر تجربتك ي جميلة متأكدة رح يعجبك 😘

      حذف
  2. الفراولة لحالها مريحة للبشرة بشكل
    يعطيك ألف عافية على مساعدتك للبنات

    ردحذف
  3. أزال أحد مشرفي المدونة هذا التعليق.

    ردحذف

تعليقك يسعدني يَ مزة ♥